Hasi da aurtengo Bisiguaren Festa. Atzo iluntzean egin zuten irekieran, Imanol Alguacil eta Carmen Oteiza omendu zituzten (bigarrenaren kasuan, familiako kideek jaso zuten oroitagiria). Udaleko ordezkariek Egunsenti otxoteak urteetan egindako lana ere goraipatu zuten, eta abeslariei zapi bana banatu zieten. Pello eta Nikolasa erraldoiek, Harribileko bi dantzarik eta Salatxo abesbatzak ere parte hartu zuten atzoko ekitaldian.
Igandera bitartean, bisiguaz gain beste hainbat jakiz eta ekimenez gozatzeko aukera izango da Orioko plazan.