Ekainaren 7an, osteguna, Oria ibaiko ontziolek historian izandako garrantziaren inguruko ikastaroa izango da Arraunetxean. Mapilen 1200 tonako ontziak eraikitzetik Mutiozabalen historiarainoko ibilbidea izango du mintzagai Lourdes Odriozola historialariak.
Beñat Ibaietak, aldiz, Mutiozabal berritu aurretik zegoen egoeraz eta gaur egun arte egindako lanaz arituko da. Bestetik, gainontzeko herrietako itsas kulturaren zertzelada batzuk ere eskainiko ditu. Gizarte sozialean duen balioa nabarmenduz amaituko du Ibaietak.
10 orduko ikastaroa izango da, eta jarduera irekia dela jakinarazi du EHUk. Hemen eman daiteke izena.