Udaberriaren hasieran izaten da prozesionari edo pinu-beldarren garaia eta azken urteotan asko ugaldu dira herrian —batez ere, Muntoko pasealekuan—, berdeguneetako pinuetan hazten direlako.
Pinu-beldarrak arriskutsuak izaten dira gizaki eta animalientzat, urtikariak eta azaleko arazoak sortu ditzaketelako ukituz gero. Hori dela-eta, Udalak tranpak jarri ditu herri barruko pinuetan, beldarrei lurrera jaistea oztopatzeko. Tranpa horiek bertan izango dira pinu-beldarren garaia pasatu arte.
