Lehengo astean, hondakin pila are handiagoa ikus zitekeen toki berean. Gaur goizean ateratako argazkiek erakusten duten bezala, hondarretan pilatu dena materia organikoa da batik bat: hostoak, adar txikiak, belarrak, enbor zatiak... Hala ere, plastikoak eta bestelako hondakinak ere topa daitezke.
Azken asteetako eurite gogorren ondorioz, errioa bete-bete eginda jaitsi da egun batzuetan, eta urak ibai bazterrean harrapatutako guztia ekarri du gainean hondartzaraino.
