Proba nagusia, helduena, eguerdiko 12:00etan hasiko da ikastola parean. Ordu erdi lehenago, 11:30ean, haurren proba jokatuko da.
Parte hartzea bultzatu nahi dute lasterketaren bitartez, eta horregatik, lehenengo helmugara iristen diren korrikalariek ez dute sari berezirik izango. Parte-hartzaile guztien artean zozketatuko dituzte sari guztiak. Lasterketa amaitzean, Arkaitz tabernak salda banatuko die parte hartzaileei. Ibilbidearen gaineko informazio guztia udalaren webgune ofizialean, orio.eus helbidean dago ikusgai.
Izen-ematea
Helduen proban parte hartu nahi dutenek Karela udal kiroldegian eman dezakete izena, bertara joanda ala telefonoz deituta: 943 894 428.