Orain Herri Plataformak, Orioko EH Bilduk, Etxeluze Gaztetxeak eta Orioko Gure Esku Dagok elkarretaratzea egiteko deialdia luzatu zuten atzo, Kataluniari elkartasuna adierazteko. 19:30ean hasi zen elkarretaratzea, herriko plazan.
Jende mordoa bildu zen plazan Katalunian gertatutakoa salatu eta katalanei babesa emateko. Adierazpen bat irakurri zuten hainbat herritarrek,euskaraz eta katalanez eta L'estaca abestia abestu zuten ondoren. Amaitzeko, argazki jendetsua atera zuten elkarretaratzean izan ziren herritarrek.