Orioko Pilota Elkarteko hiru bikote Gipuzkoako kluben arteko binakako txapelketan parte hartzen ari dira, eta ostiralean Gipuzkoako Ezker Hormako Pilota Txapelketako partida jokatuko dute etxean Unai Illarramendik eta Zigor Esoainek, Zarautz 1 bikotearen aurka. 19:00etan izango da partida, Orioko pilotalekuan.
Gainontzeko bi bikoteek etxetik kanpo izango dute hitzordua. Aritz Lertxundik eta Ibon Aranaldek Lazkaon jokatuko dute norgehiagoka, Lapka bikotearen aurka; eta Miren Etxegia eta Nerea Beldarrainek Astigarragan izango dute hitzordua, Mundarroren aurka.