Urtero bezala, Arkupe elkarteak Stock Azoka antolatu du astebururako. Abuztuaren 26an eta 27an izango da azoka, herriko plazan, eta Orioko hamahiru saltokietako produktuak erosteko aukera izango da bertan. Larunbatean 10:00etatik 20:00etara izango da azoka eta igandean 10:00etatik 15:00etara.
Stock azokak irauten duen bitartean DJ Aros izango da plazan musika jartzen. Horrez gain, puzgarriak ere izango dira larunbatean. Arkupe elkarteko tabernek ere parte-hartuko dute azokan, Arkupe pintxoarekin. Pintxoa jaten dutenen artean Arkupeko saltokietan gastatzeko 100 euroko txartela zozketatuko dute.
Bestalde, hondartzatik herrigunera joaten direnek Txu-txu trena doan izango dute. Boga-boga tabernan eta Villa Antilla hotelean eskuratu ditzakete txartelak.