Pasa den asteburuan Orioko sofbol taldeak jardunaldia jokatu zuen Atletico San Sebastian taldearen aurka, Mendibeltz zelaian. Donostiarrek igandera arte ligako partida guztiak irabazi zituzten, baina oriotarrek ezustekoa eman zuten eta partida bat irabazi zuten ligako liderraren aurka.
Lehenengo partidan donostiarrak markagailuan aurre hartu zuten, eta horrela mantendu zen amaiera arte; OBBko jokalariek erasoan lan handia egin bazuten ere, ezin izan zuten partida irabazi.
Hala ere, bigarren partida desberdina izan zen. Oriotarrek hasieratik lanak ondo egiteko gogora eta indarra erakutsi zuten. OBBkoek lan ona egin zuten erasoan eta aurkariek egin zituzten hainbat akatsi esker, 0-6 emaitzarekin irabazi zuten partida.
Orioko neskentzat garaipen "garrantzitsua" izan da igandekoa, OBBk ligako bigarren multzoan sailkatzea lortu baitu, ligaren hasieran jarritako helburu nagusiena betez.