Zaila da Iban Urizar elgoibartarrak egiten duena definitzea. Amorante proiektua herri-musikatik abiatzen da eta, horren gainean, bariazio eta esperimentazioak egiten ditu. Toki askotako herri-musikaren eragina jaso du Urizarrek, eta iturri horietatik guztietatik edan du bere eskaintza osatzeko. Zarauzko Garoa liburu-dendan eman zuen kontzertuko bideoan klik eginda, bihar Orion ikusi eta entzun ahalko denaren ideia bat egin daiteke.