Maiatzaren 7ko herri galdeketari begira, Orioko eragileen atxikimendu argazkiak biltzen ari da baliza elkartea. Hainbat atxikimendu lortu dituzte dagoeneko, horien artean arrauneko hamaika entrenatzailerena.
Mikel Orbañanosek, Joxean Olaskoaga Aizperrok, Jon Salsamendik, Mikel Arostegik, Angel Mari Larrañagak, Gorka Etxeberriak eta Jose Luis Kortak argazkia atera dute galdeketari babesa emateko. Horiez gain, Santi Zabaletak, Borja Menak eta Jon Iriondok ere atxikimendua eman diote Gure Esku Dagori, argazkian agertu ezin izan duten arren.
Agerraldia apirilaren 7an
Apirilaren 7an, ostiralean, agerraldia egingo du herriko plazan Baliza elkarteak. Elkarteko kideez gain, herriko ordezkari eta hautetsiak ere han izango dira galdeketari babesa emateko. 19:00etan izango da agerraldia.