OBB sofbol taldeak Kataluniako Proyecte taldea izango du aurkari, eta herriko Mendibeltz zelaian jokatuko dituzte partidak. Lehen norgehiagoka 11:00etan hasiko da, eta bigarren partida jarraian jokatuko dute. Ohorezko ligako sailkapenean erdiko multzoan kokatzeko partida garrantzitsua da asteburukoa bi taldeentzat, eta OBBtik oriotarrak taldea animatzera gonbidatu dituzte.
Aurreko asteburuan Herrialde Katalanetan izan zuten jardunaldia OBBko jokalariek eta Viladecans taldea izan zuten aurkari. Taldetik adierazi dute, jardunaldi "gogorra" izan zela, bi partidak galdu baitzituzten Bartzelonan.