Sanpedroetan egin ohi da literatur eta marrazki lehiaketako sari banaketa. Aurten, ordea, aurreratzea erabaki dute herriko bi ikastetxeek eta Udalak. Liburuaren Egunean egingo da, apirilaren 23an, larunbatean.Eguerdiko 13:00etan hasiko da ekitaldia, udaletxean, udalbatzar aretoan.
Saritutako lanen egileei liburu eta oroitagiri bat emango dizkie Udalak, aurtengo liburuaren ale banarekin batera. 100 orrialdeko liburua da, beren lanak biltzen dituena. Barruan, beraz, ipuinak, olerkiak eta marrazkiak aurkitu daitezke.
Sari banaketaren data aldaketa
Ikasturte bukaera lan handiko garaia izaten denez, ezin iritsi ibiltzen dira ikastetxeetan. Horregatik erabaki dute aldaketa egitea eta honela lasaiago ibiltzea espero dute. Aurrerantzean apirilean egingo da sari-banaketa, Liburuaren Egunaren aitzakian.