Madrilen jokatu zuen OBB taldeak pasa den asteburuan Rivas taldearen aurka. Bi partida jokatu zituzten eta biak tarte txikiarekin galdu zituzten. 2-3 egin zuten lehenengoan eta 3-4 bigarrenean.
Lehen partidan Amaia Larraza hasi zen jaurtitzen eta, markagailua 2-2 zegoenean Igone Etxeberriak hartu zuen postua. Ezin izan zioten emaitzari eutsi eta aurretik jarri ziren madrildarrak. Bigarren partida aurrekoaren zamarekin hasi zuten Bate Bizkorrek. Hasieratik 2 karrerako aldea hartu zuen Rivasek. Buelta emateko ahaleginak egin zituzten oriotarrek, baina ezin izan zuten lortu.
Datorren jardunaldia apirilaren 10ean, igandean, jokatuko dute Mendibeltzen, Sant Boi taldearen kontra.