Orioko Herri Ikastolako taldeko hiru eskubaloi jokalarik, Sara Mujikak, Alaine Garrok eta Naia Makazagak Hondarribiako selekzioen arteko txapelketan hartu zuten parte. Gipuzkoako hamasei hautatuen artean zeuden hiru oriotarrak.
Txapelketan Gipuzkoako, Bizkaiako, Nafarroako eta Txingudiko selekzioek hartu zuten parte. Gipuzkoarrek Txingudiko taldea izan zuten aurrez aurre. Erraz irabazi zuten partidua, 5-24 emaitzarekin. Hiru oriotarrek parte hartze garrantzitsua izan zuten garaipenean.
Semifinalak irabazita, Bizkaiaren aurka jokatu zuten finala. Partidua final aurrekoak baino gogorragoa izan arren, gipuzkoarrak hasiera-hasieratik hartu zuten aurrea markagailuan. Bizkaitarrek ez zuten lortu markagailua iraultzea. 20-16 emaitzarekin irabazi zuten gipuzkoarrek.
Gipuzkoako selekzioak irabazi zuen txapelketa. Baina ez zen hori izan oriotarrek irabazitako garaikur bakarra, Sara Mujikak txapelketako goleatzaile onenaren saria eskuratu baitzuen.