Beste behin, elkarlanean garbituko dute hondartza

Azken urteotan ez dute huts egin, urtero-urtero garbitu dute Orioko hondartza. Ekintza parte hartzailea izaten da, Orioko Surf Taldeak herriko beste hainbat eragilerekin elkarlanean antolatzen duena. Herrio Natur Taldearen, Udalaren eta bi ikastetxeen laguntza izaten dute, hain zuzen. Dena den, ekintza irekia da eta edonork hartu dezake parte. 

Garbiketa kanpaina mundu osoan antolatzen du Surfrider Foundation talde ekologistak. Antolatzaileek adierazi dutenez garrantzitsua da egun horretan egiten den garbiketa lana, baina are garrantzitsuagoa da ekimenaren bitartez lortzen den sentsibilizazioa.