Karmengo Amaren eguna, arrantzaleen eguna zen atzo, uztailaren 16an. Egun ezin hobea itsasoarekin eta arrantzaleekin lotura zuzena duen festa bati hasiera emateko. Urtero egun horretan egiten den elizkizunaren ondoren hasi zen Bisiguaren Festa.
Otxotea hasi zen kantuan, eta gero harribilekoak dantza egin zuten. Alkateak hartu zuen hitza orduan, bi omenduei oroigarriak emateko. Zaraguetari Antxon Mendizabalek egindako taila bat eman zioten, XVI. mendeko itsasontzia irudikatzen duen ateburuaren erreplika. Paxitari bertso bat egin zioten, eta Zalduak abestu zuen.
Ekitaldi horrekin eman zitzaion hasiera asteburu osoan izango den festari. Egitaraua hemen:
Uztailak 16, osteguna
20:00 Aurkezpen ekitaldia
20:00. Saizar sagardoaren dastatzea.
21:00. Afariak.
Uztailak 17, ostirala
12:00. Udaleku irekietako haurren marrazkiekin erakusketa.
17:00. Monoziklo tailer irekia Herriko plazan.
20:00. Saizar sagardoaren dastatzea. 21:00. Afariak.
Uztailak 18, larunbata
11:00. Saizar sagardoaren dastaketa
12:00. Bisigu lehiaketa Orioko elkarte gastronomikoen artean herriko plazan.
12:00. Hegaluzea parrillan Eusko Labelen laguntzarekin –razioak salgai 2 €–.
14:00. Bazkariak
17:30. Euskotren ligako estropadak
18:00. ACT XXV. Orioko estropadak
18:00. Hegaluzea San Miguel ligaren eskutik –razioak salgai 2 €–.
20:00. Saizar sagardoaren dastatzea 21:00. Afariak
Uztailak 19, igandea
12:00. Saizar sagardoaren dastatzea.
12:00. Marmitakoa Herriko plazan –razioak salgai 2 €–.
14:00. Bazkariak.
18:30. ARC ligako VIII. Estropada Oria Ibaian