Urtero bezala, traineru denboraldiak irauten duen denboran denda ofiziala jarriko du Orio AEk herrian. Aurtengoa guztien bistara egongo da: herriko plazan. Uztailaren 11n, larunbatean, irekiko dute. Iaz Kilometroak jaialdiko denda zegoen lokal berean egongo da salgai arraun elkarteko materiala. Denetarik izango dute: kamisetak, jertseak, txapelak, banderak, zapiak...
Bazkideentzako kamiseta horiak
Aurten ere, dendaren irekieraren egun berean, Orio AEko bazkide direnentzako kamiseta horiak banatuko dituzte. Uztailaren 11n, 9:00etatik 13:00etara, bazkide oro herriko plazatik pasa daiteke bere kamiseta horiaren bila.