Urtarrilaren 31n goizeko 5:30ean abiatuko dira autobusean Txurrumuskik antolatutako eski irteeran izena eman duten 24 gazteak, hiru begiraleekin. Eguna eskiatzen pasako dute Luz Ardiden estazioan; inoiz joan ez direnek ikastaroa hartzeko aukera izango dute. Pistak ixten dituztenean Luz herriko aterpetxe batera joango dira lotara, eta igandean berriz ere egun osoa elurretan pasako dute. Igande arratsaldean egingo dute buelta, eta iluntzeko 21:00ak ingururako Orion izango dira.