Lidertzan, indartsu, oriotarrak

Karkara 2014ko abe. 15a, 10:10

Erregional preferenteko mutilak lider jarraitzen dute 3 puntuak eskuratu ondoren. Erremindu kimuak lehen aldiz sailkatu dira Txapeldunen fasera.

Erregional preferente taldeak sendo jarraitzen du, lider. Lehen tokian daude oriotarrak, eta, astero-astero, postuari indartsu eusten diote. 12 partida jokatu dituzte eta 10 irabazi. Jokatu dituzten 37 puntuetatik 31 eskuratu dituzte.

Asteburuan ere hiru puntuak eskuratu zituzten. Etxean jokatu zuten, Mendibeltz futbol zelaian. Horitxoak 2-0 aldearekin irabazi zuten partida Muniberen aurka.

Datorren asteburuan partida garrantzitsua daukate. Vasconia izango dute aurrez aurre, ligako bigarren talde indartsuena. Zazpi puntuko aldea ateratzen dio Oriok Donostiako taldeari; hortaz, badirudi, oriotarrak direla faborito. Dena den, horrelako partidak desberdinak izaten dira, bereziak, eta guztia gerta liteke.

Etxeko taldea indartsu dago. Futbol garbia egiten ari da eta lehen postuan sendo jarraitzeko aukera ezin hobea litzateke asteburuan garaipena eskuratzea. Etxetik kanpo izango da partida, Vasconiaren zelaian.

Lehen aldiz txapeldunen fasean

Erremindu kimuek aurrera pauso bat eman dute, koska bat gora egin dute. Amaikak Bat taldearen aurka zortzi goleko aldearekin irabazi zuten, 0-8. Sailkapen orokorrean hirugarren postuan daude, 12 punturekin, bigarrenarekin eta laugarrenarekin berdinduta. Lehia estua izan da lehen lau taldeena, baina oriotarrek hiru puntu hauekin hirugarren postua erdietsi dute.

Sei multzo daude maila honetan, hortaz, lehen sailkapen honen ostean Txapeldunen Fasea jokatuko da. Oriotarrek bigarren fase hori jokatzeko txartela eskuratu dute.

Gainontzean, porrot ugari

Beste kategorietan partida gutxi irabazi dituzte oriotarrek. Jubenil neskek 0-2 emaitzarekin hartu dute mendean Amara Berri taldea. Infantil txikiek ere irabazi egin dute Arrasateren aurka. Gainontzekoek galdu egin dute asteburu honetan.

Erregional Preferente
Orio 2-0 Munibe

Ohorezko Jubenilak
Sanse 5-0 Orio

Jubenil neskak
Amara Berri 0-2 Orio
Kadeteen 5. multzoa

Internacional 4-2 Orio

Kadeteen 6. multzoa
Orio 0-3 Usurbil

Infantil Txiki
Orio 3-1 Arrasate

Infantil F8 neskak
Orio 0-2 Zarautz K.E.

Erremindu Kimuak
Amaikak Bat 0-8 Orio

Eskolako 2. urteko Kimuak
Tolosa 10-1 Orio

Kirola Orio

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.

Izan Gukakide