%2016.18.50.png)
Elkarrizketa ireki bat izango dute bihar Imanol Manterolak eta Iñaki Iturainek. Manterolak 1936ko gerraren ubera Orion – Gerra bat barruan degula liburuaren inguruan galdetuko dio Ituraini eta, horrela, galdera-erantzun jokoarekin aurkeztuko dute liburua.
Bi izenburu horiek eman dizkio egileak bere lanari. Liburuan 36ko gerrak Orion sortu zituen istorioak azaltzen ditu, istorio horien bidez osatutako historia. Gerra hasi aurreko egoera politikoa agertzen du. Ondoren, gerrako istorioak. Hori guztia idazteko artxiboetan, interneten eta liburuetan bilatu du informazioa Iturainek, baina baita gerra bizitako familietan ere. Orioko herritarrek ahoz azaldutako istorioak ere tokia izan dute liburuan.
Adineko herritar asko izan dira Iñakirekin hitz egin dutenak, gerrako kontuak azaldu dizkiotenak. Haiek denak daude gonbidatuta liburuaren aurkezpen-ekitaldira. Eta gerra hura gure artean nola joan zen jakin nahi duten guztiak ere bai. Ekitaldia irekia da.
Aurkezpenarekin batera, liburua eskuragarri izango dute herritarrek, salgai –gero liburu-dendetan baino merkeago–. Hurrengo egunetik aurrera, herriko liburu-dendetan ere bai.