%2009.35.57.png)
39 urteko gizonezko bat atxilotu zuten Orion animaliei tratu txar jarraitua egiteagatik eta armak legez kontra edukitzeagatik akusatuta. Ertzaintzak esan duenez tratu desegokiaz gain munizioa eta delituarekin zerikusia duten bestelako froga batzuk ere aurkitu dira.
Bere ardurapean dagoen Igeldoko txakur-hotela itxi egin da eta bertan zeuden laurogei animalia foru-zerbitzuen esku geratu dira. Atxiloketa irailaren 2an izan zen, baina hurrengo egunean Azpeitiako Bake Epaitegian izan zen eta libre utzi zuten Donostiako Instrukzio Epaitegiak hartzen duen erabakiaren esperoan.