Etxeko txikienak eguneroko espazioetan ikusten dituzte guraso eta senitartekoek, pozarren. Umeek beraien Eskola erakusten diete familiari, emozioz. Irakasleek aurreko egunetan buru-belarri prestatutakoaren emaitza erakusten dute, urduri. Zaraguetan biltzen dira etxeko txikienak, gurasoak eta irakasleak; eta guztion artean antolatzen dute Eskolaren Eguna.
Guraso Elkarteak hartzen du Zaragueta eguna antolatzearen zama handiena, egitura eta antolaketa lanak beraiek kudeatzen baitituzte. Gozamena, aldiz, guztientzat ziurtatua dago: guraso, irakasle eta ikasle, guztiek dute parte hartzeko eta festa giroan disfrutatzeko aukera. Egitaraua zabala antolatu dute:
- 11:00 Salda eta pintxoak
- 11:30 Ikasleen emanaldia
- 13.30 Ikasleen bazkaria
- 14:30 Helduen bazkaria
- 14:00 Tailerrak, jolasak eta puzgarriak HHko haurrentzat
- 16:30 Judo emanaldia
- 17:30 Guraso, ikasle eta irakasleen futbol partidua
Hamaiketakoarekin hasi eta hainbat ekintzen ostean, futbol partidarekin emango diote amaiera Zaragueta Herri Eskolako egunari.