Maiatzako hilabete guztian asteartero eta asteazkenero parkeetan jokoak egiteko bildu ondoren, hilaren 28an, Parketarrak egitasmoari amaiera emateko, mosaiko bat egin zuten Orioko Herri Ikastola eta Zaragueta Herri Eskolako guraso eta ikasleek. 140 lagun bildu ziren Euskaraz Gara leloa osatzeko.
Argazkia, Tolosan egingo den udalerri euskaldunen egunean erakutsiko da. UEMAk, herriz herri leloa mosaikoz eginez argazkiak egitea proposatu zuen, ekainaren 14an egingo den festa egunean guztiak erakusteko.