Jendearen aurrean umil eta leial agertzeko kantatzen dute A capella. Oholtzan, hortaz, ez dute mikrofonorik, ez melodiarik lagun. Beraien ahotsak, besterik ez. Musika maite duten arren, ez dute musikaz estaltzen kantatzen dutena; hortaz, beraiek dira kantaldiaren jaun eta jabe.
1999an, 10 urte inguru zituztela, hasi ziren Amaren Alabak elkarrekin kantatzen; batera hazi eta hezi dira, beraz. Beraien lehen lanetik bigarrenera, Andere diskatik Plazandere diskara trantsizio hori nabari da, heldutasun handiagoa.
2012an kaleratu zuten bigarren lana. Etxahun Barkoxere, Etxamendi, Larraldere eta Xabaldorrek eragin handia dute beraiengan; honenbestez, azken diskoan presentzia ere handia dute. Barkoxen poemetako amodio eta heriotzak presentzia du lanean, baita Xalbadorrek gure hizkuntza eta herriaren geroaz zuen kezkak ere.
Pastoralen tradizioa du abipuntu gaurko kontzertuak. Beraiek zuberotarrak izaki, abestuko dituzten kanta gehienak zuberoakoak izango dira; sekulan galtzen ez uzteko etengabe kantatu behar diren horietakoak, alegia.