Herria girotzeko eta Gabon usaina zabaltzeko asmoz, Orioko erakusleihoetan argiztatutako zuhaitzak jarri dituzte dendariek, Merkataritza Aholku mahaiaren bitartez, opari gisa jasota. Abenduaren 15etik hasita, festa egun hauek bukatu bitartean, 17:00etatik 22:30era piztuko dituzte zuhaitzok.
Horrela, kalean jarri izan dituzten Gabonetako argiak zuhaitz horiez ordezkatu ditu Udalak, argi-kontsumoa murriztuz. Kultur teknikari Uhaina Atxotegik adierazitakoaren arabera, horrelako ekimenak urtero egin nahi ditu Udalak, herriko kale eta auzoak erakargarri egiteko helburuarekin.