Aiar askok du ostegunetan Orioko azokara jaisteko ohitura. Hori dela eta, Aiako Udalaren ekimenez, taxi-bus zerbitzu berezia izango dute hemendik aurrera azokara jaitsi nahi dutenek.
Hala, ostegunetan, noranzko bakoitzean bidaia bat egingo du taxi-busak. Aiatik Oriora 10:45ean ekarriko ditu bidaiariak, eta, alderantziz, Oriotik Aiara 11:15ean eraman.
Bidaia bakoitzak 1,5 euro balioko du eta, zerbitzuaren plazak mugatuak direnez, aurretik egin beharko da eskaera. Horretarako, 619 432 545 telefonora deitu eta Jose Inazioz galdetu behar da.