Itsas zaindari onenak izateko eduki beharreko ezaugarriak ikasi dituzte bertan. Nola zaindu gure itsasoa, hondakinek zenbat kalte egiten duten itsaso eta bertako espezietan eta klima aldaketaren ondorioz geroz eta gaixotuago dagoen Gelidium corneum algaren berri izan dute besteak beste.
Ginkana ere egin dute taldeka San Pedrotik zehar; albaolara joan dira, ikasitakoari buruz kaleko jendeari galderak egin dizkiete eta Pasaian bertan dauden animalia espezie ezberdin askori buruz ere aritu dira hizketan.
Ondoren, motxiletatik denetariko bazkariak atera eta postre goxoa zuten zai, gaur gelako Aratzen urtebetetzea izan baita eta denentzat bizkotxoak ekarri baititu! Zorionak Aratz eta eskerrik asko Mater Ontzi Museoa, primeran pasa baitugu!