Oraingoan, LHko Gorputz Hezkuntzako saioetan LH3, LH4, LH5 eta LH6ko ikasleek gorputz adierazpenaren barruan euskal dantzak ikasi dituzte. Euskal kulturaren parte garrantzitsua da dantza gainera, eta dantza ezagunak egiten aritu dira: eskudantza, txulalai, txapeloa, pitx, kalejira, txontxongilo edota agurra.
Gorputz Hezkuntzaren programazioan sistematizatuta dagoen unitatea da dantza eta urtez urte bi dantza berri ikasten dituzte aurrekoak errepasatzeaz gain. Ikastolan garatzen dugun pertsona ereduaren euskaldutasunean eraginez, ikastolan euskal dantzari finak daude. Jarrai dezagun euskal kulturaren parte diren dantzak belaunaldiz belaunaldi sustatzen.