KOLOSALA IZAN ZEN IKASTOLA EGUNA

_{Ondokoari irribarretsu}

_{agertzea sinpatia}

_{bere lekuan jartzen saiatu}

_{horixe da enpatia}

_{Gaixo, eskale, lagun, guraso…}

_{aitonak eta amonak}

_{elkar ulertu ta laguntzeak}

_{egiten gaitu pertsonak}

_{Emakumeen eta gizonen}

_{arteko askatasuna}

_{goazen parean, ontzi berean}

_{hori da berdintasuna}

_{Nahastu ditzagun baloi, panpinak,}

_{arroxak eta urdinak}

_{denoi berdina gustatu gabe}

_{izan gaitezke berdinak}

_{Norbait bakarrik dagoenean}

_{behar duen maitasuna}

_{errespetua ta konfiantza}

_{hori da laguntasuna}

_{Zuek gurekin, gu beraiekin}

_{ni zurekin, zu nirekin}

_{beti gustuko baten batekin}

_{beti denok elkarrekin}

_{Euskaldun askok jaso genuen}

_{kanpoan goxotasuna}

_{guk ere ondo hartu ditzagun}

_{hori da elkartasuna}

_{Guztiok maite dugu bizitza}

_{umorea eta ziria}

_{hain desberdinak ere ez gara}

_{Orio eta Siria}

_{Gorriak gorri, beltzaren beltza}

_{zurien zuritasuna}

_{nahastu gabeko zenbat kolore?}

_{hori al da aniztasuna?}

_{Koadrilak nola sortzen ditugun}

_{ikusi eta aztertu}

_{zergatik utzi norbait kanpoan?}

_{zergatik inor baztertu?}

_{Sartu taldean horiak, beltzak,}

_{urdinak eta moreak}

_{guk uste baino gehiago dira}

_{Orioko koloreak}

_{Elkarri ura piska bat botaz}

_{elkar-trukatu loreak}

_{zaindu ditzagun ba baloreak}

_{ez izan babaloreak}

_{Doinua: Armen hartzera deitu ninduten…}

Ondoren, Ikastola aurrean, Ikastolako gurasoek prestatutako hamaiketako goxoa jateko aukera izan zen, eta hamaiketakoa girotzeko Ikastolako batukada taldeak erritmoa eta saltsa jarri zuten.
Eguna elkarrekin eta gustura bukatzeko, herriko frontoian 500 pertsona elkartu ziren herri-bazkaria egiteko. Txukun-txukun antolatuta, unean bertan egindako paella erraldoia jan zuten guztiek eta amaitzeko, DJ-Gurruk jarritako musikarekin dantzan aritu ziren.
Kolosala izan zen 2018ko Ikastola Eguna! Zorionak eta eskerrik beroenak boluntario lanetan aritu zineten guzti-guztioi!