Garapen hori erakusteko, KILOMETROAK 40 URTE izeneko erakusketa egongo da ikusgai Kultur Etxeko erakusketa aretoan ekainaren 5etik 8ra bitartean. Bertan 40 urteko ibilbidean izandako Kilometroak jaiaren edizio bakoitzaren materialarekin osatutako panelak erakutsiko dira. Material bilketa handia egin zen iaz erakusketa osatu ahal izateko, garaiko kronika, argazkiak eta bestelako euskarriak eskuratu zituzten.
Nola ez, erakusketan gure herrian egindako bi Kilometroetako argazki eta prentsa bildumak daude, Kilometroak 2004-Itsaso zahar, Olatu berri eta Kilometroak 2014-Erria txikota! Ez galdu erakusketa interesgarri hau ikusteko aukera.
Bide luzea du Kilometroak-ek. Dagoeneko 40 ekitaldi burutu dira eta oraindik bide luzea du aurretik. Urte guzti hauetan jaiak etengabeko garapena izan du eta garaian garaiko egoeretara moldatzen jakin du.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide