Goierri Gorri bigarren, galdetegi azkarrean

Erabiltzailearen aurpegia Matx 2025ko api. 4a, 12:00

Goierri Gorri taldeko kideak gol bat ospatzen. (Beasaingo Udala)

Galdetegi azkarrean lan txukuna egin dute Goierri Gorri taldekoak; izan ere, hiru punturekin, sailkapeneko bigarren postuan kokatu dira, Soraluze liderrarengatik bi puntutara.

Futbol talde berri bat sartu da aste honetan kirol kluben Matx desafiora. Goierri Gorriren senior mailako taldea izan da zazpigarren jardunaldiko protagonista. Galdetegi azkarrean hiru erantzun asmatuta, bigarren postuan kokatu dira goierritarrak.

Lazkao, Beasain, Ordizia eta Idiazabal elkarteen baturatik sortutako emakumeen kluba da Goierri Gorri, eta beste taldeek bezala, Matxek proposatutako hiru jolasetan aritu dira. Galdetegi azkarrean lan txukuna egin dute; izan ere, hiru punturekin, sailkapeneko bigarren postuan kokatu dira, Soraluze liderrarengatik bi puntutara. Abilezia jokoan, berriz, hiru puntu eskuratuta, sailkapeneko bosgarren postua hartu dute.

Gogoratu, astero Gipuzkoako talde berri bat sartuko dela desafioan. Asteartetan galdetegi azkarra, asteazkenetan abilezia jokoa eta ostegunetan galdera kateatuak erakusten dira. Joko guztiak matx.eus sare sozialean ikus daitezke. Nor izango da hurrena?

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide