Karkara GUKAk bazkideentzat bi zozketa jarri ditu abian. Batetik, Zumaiako Zelai Talasoterapian bi lagunentzako zirkuitua eta otordua zozkatuko du, eta bestetik, Errigoraren produktuz osatutako saskia. Bazkideei zuzendutako bi zozketetan parte hartu nahi dutenek abenduaren 8ko 12:00etara arteko epea izango dute.
Zelai Talasoterapiaren zozketan parte hartzeko, honako lotura honetan eman beharko da izena, edota, bestela, 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 31 da.
Errigoraren produktuen zozketarako, aldiz, honako lotura honetan eman beharko da izena, eta 943-56 01 64 telefonora deituta egiten dutenek, zozketaren kodea 30 da.