Banatzaileak hasi dira maiatzeko Karkara etxez etxe banatzen. Hilabete honetako zenbakian, Andrea Zipitria kazetariak Palaziyo autobus eta taxilari ohiari egin dio elkarrizketa nagusia, eta Aiora Larrañaga Solaberrietak, berriz, Ostargi elkarteko hainbat kiderekin hitz egin du. Izan ere, belaunaldi ezberdinetako hainbat herritar biltzen ditu Kultur Etxeko beheko solairuan astero-astero joskintza eskolak jasotzeko.
Iñaki Iturainek Oroimenaren Kutxa atalean, txistularien inguruan jardun du, eta Maialen Etxeberriak Hezkuntza Sailak berriki jarri duen matrikulazio sistema berriaren inguruan iritzi artikulua idatzi du.