Saharautz elkarteak jakinarazi duenez, aurtengo udan ez dira etorriko Tindouf kanpamenduetako haur sahararrak. Covid-19ak eragindako egoera dela eta, arduradunek aurtengo bidaia bertan behera uztea erabaki dute.
Txus Manterola Saharautz elkarteko boluntarioaren hitzetan, "gutun bidez jakinarazi ziguten arduradunek erabakia, baina niri behintzat ez zidan harritu, banekien egoera honetan ez zirela etorriko". Gaineratu du, harremana duten familietara koronabirusa iritsi ez den arren, hemengo egoera dela familien kezka nagusia, eta haurrak izanik, zentzuzkoa iruditzen zaio ez etortzeko erabakia.