Hamargarren aldiz antolatu dute Triatloi Txikia Zarautzen. Eskola kirolaren barruan eta Zarauzko Triatloi Elkartearen laguntzarekin, inguruko herritako umeek aukera izan dute kirol sorta hori probatzeko. Aia, Orio, Getaria eta Zarauzko ikasleak hartu dute parte.
Zaharrenak hasi dira lehian aurrena: LH 5.eta 6. mailakoak. Ondoren iritsi da 3.eta 4. mailakoen txanda. Neska-mutilek gogotik egin dute igerian, baita bizikleta gainera igo eta lehiaketa korrika amaitu ere.
Bukaeran denentzat egon da indarrak berreskuratzeko jan-edana.