Harria liburua eta ikus-entzunezkoa aurkeztu zituen Juan Antonio Palaciosek asteazkenean, Eibarko Portalea kultur etxeko areto nagusian, eta ekitaldian izan ziren Joseba Ostolazaren Harri Eskolako kideak.
Liburuan harri-jasotzeak duen "indarra eta eskatzen duen ahalegina" erakutsi nahi izan ditu egileak, eta horretarako 20 harri-jasotzaile baino gehiagori argazkiak atera dizkie; tartean dira Orioko eta Aiako hainbat harri-jasotzaile ere.