Larunbat eguerdian Zarauzko hondartza haurrez bete zen, eskola kirola ekimenaren barruan Zarautz Kirol Elkarteak antolatzen duen Hondartzako Futbol Txapelketa jokatzeko. Denera 102 taldek parte hartu zuten jardunaldian, tartean ziren aiarrak eta oriotarrak ere, eta giro ederra izan zen hitzorduan. Haur, guraso eta lagun mordoa bildu zen hondartzan haurren futbol partidak bertatik bertara ikusteko asmoz.