Larunbatean Orioko I. Esku Pilota Txapelketa Azkarra jokatuko da, herriko pilotalekuan. Txapelketa banaka, binaka errotazio sisteman eta binaka mistoa kategorietan egongo da banatuta.
Orioko Pilota Elkartetik jakinarazi dute, 6-11 urte bitarteko gaztetxoei zuzendutako txapelketa dela, eta bertan parte hartu nahi dutenek egunean bertan 10:00etatik aurrera izena emateko aukera izango dutela.Bikoteak eta lehiaketa bakoitzeko egitura zozketa bidez egingo da, 10:00etatik 11:00etara bitartean.
Ondoren, 11:00etan hasiko dira pilota partidak jokatzen, eta final laurdenetatik aurrerako norgehiagokak 17:00etatik aurrera jokatuko dira.