VI. Aia-Orio Triatloia jokatuko da ostiralean, Oribarzar hondartzaren inguruan. 14:30ean hasiko da kirol hitzordua, eta 7 urtetik aurrerako kirolariei zuzenduta egongo da proba; izan ere, parte hartzaileek beren adinera egokitutako distantzia osatu beharko dute.
Izena eman nahi dutenek Niktri elkartearen webgunean dute horretarako aukera, eta bertan dituzte eskuragarri izena emateko jarraitu beharreko urratsak.
Bestalde, antolatzaileek nabarmendu dute hurrengo materiala eraman behar dutela parte-hartzaileek VI. Aia-Orio Triatloiera: igeri egiteko betaurrekoak, korrika egiteko zapatilak, edozein motatako bizikleta eta kaskoa.
Distantziak:
7-8 urte (2010-2011): 50m (igerian), 1000m (bizikletan), 250m (korrika)
9-10 urte (2008-2009): 100m (igerian), 2000m (bizikletan), 500m (korrika)
11-12 urte (2006-2007): 200m (igerian), 4000m (bizikletan), 1000m (korrika)
13-14 urte (2004-2005): 400m (igerian), 8000m (bizikletan), 2000m (korrika)
15 urtetik gora (<2003): 400m (igerian), 8000m (bizikletan), 2000m (korrika)
EGITARAUA
13:00-14:00: Izen-emateko aukera izango da informazio gunean, eta dortsalak banatuko dira.
14:00-14:30: Trantsizio-gunea irekiko dute materiala uzteko.
14:30-15:30: Triatloi probak abiatuko dituzte, kategoria txikienetik hasita.