_content.jpg)
Zozketan parte hartzeko bidali zure argazki bat Gozategiren disko batekin eskuan –taldearen edozein lanek balio du– karkara@karkara.com e-postara. Partaide guztien artean bost sarrera bikoitz zozketatuko dira.
Irabazleen emaitza sare sozialetan argitaratuko da ostiralean, hilaren 22an, eguerdiko 12:00etan. Zorte on!
Formatu intimoa
Iñigo Gaiton kazetariak elkarrizketatuko du musikari oriotarra. Elkarrizketan zehar abestien sorkuntza prozesua azalduko du Gozategik, azken hamarkadetako musika ibilbidea errepasatuko du hainbat bitxikeria azalduz, eta zuzenean lauzpabost abesti eskainiko ditu gainera.
Kontzertua doakoa izango da Karkara lagunentzat, eta gainontzeko herritarrek bost euro ordaindu beharko dituzte. Hala ere, kontzertu musikatuaz gozatu nahi duten Karkara lagunek ere sarrerak jaso beharko dituzte kultur etxeko lehen solairuan.
Sarrerak salgai daude kultur etxeko lehen solairuan 08:30etik 17:30era, eta kontzertua hasi aurretik areto nagusiaren atarian.