Orio eta Aiako lurretatik pasako da 20. Korrika apirilaren 5ean. Korrika baina, ez da egun horretan lasterka jardutera mugatzen, eguna hurbildu ahala, giroa berotzeko zenbait ekimen antolatu izan baitira. Horri guztiari buruz hitz egin eta antolatzeko batzordea eratuko du, horrenbestez, Orioko AEKk. Urtarrilaren 18an, asteazkenean, bilduko dira Orioko Kultur Etxean, 17:30ean. Bilera irekia da eta edonork har dezake parte.
Giroa berotzen
Aste honetan bertan egin du AEKk publiko 20. Korrikako ibilbide osoa, herriz herri. Martxan jarri dira herriz herrikako Batzordeak bakoitzari dagokion eguna begiz jota. Hura iritsi bitartean, 20. edizioa berotzen joateko Korrikako bideoklipa argitaratua du jada AEKk, Zirkorrika izenburupean.
