Udaran oporrik ez. Festaz festa eta ekitaldiz ekitaldi dabiltza Joseba Ostolazaren eskolakoak. Asteburuan Donostiako Trinitate plazan izan ziren, aurkaria Igeldoko Harria zutela. Hainbat harri-jasotzaile jarri ziren harriaren aurrean, 10 hain zuzen. Txapelduna Jokin Eizmendi izan zen, 12 jasoaldirekin.
Ostolazaren eskolatik bost izan ziren Igeldoko Harriaren parean jarri zirenak: Jokin Eizmendi, Aimara Galarraga, Imanol Illarramendi, Jon Ander Maiza eta Josetxo Urrutia. Eskolatik kanpoko beste bost harri-jasotzaile ere aritu ziren: Xabier Aranburu, Hodei Iruretagoiena, Jagoba Otaegi, Beñat Telleria, Iban Ugartemendia.
Galarragak eta Maizak 6 jasoaldi egin zituzten. Kortaberrik, bere lehen agerraldian, bost jasoaldi egin zituen eta Urrutiak bat. Harria 12 aldiz altxa zuena, eta, hortaz, irabazlea, Eizmendi izan zen.