Uztailaren 21ean, asteartean, Urola Kostako Udal Elkarteko batzar nagusia egin zen lehendakari eta lehendakariorde berriak aukeratzeko. 31 botorekin, Igor Iturain Aiako zinegotzia aukeratu zuten Amaia Guruzetaren lekukoa jaso eta 2015-2019 legealdian mankomunitatearen gidaritza eramateko. Jesus Arana Zarauzko EAJko zinegotzia izango da lehendakariorde, 32 botorekin.
Udal Elkarteak bost udalerri hartzen dituela eta guztiak kontuan hartu behar direla dio Iturainek. Mankomunitateari norabide berri bat ematea du helburu: zabortegiaren gaia landu behar dela uste du lehendakari berriak.