%2014.24.43.png)
Ostirala. Mantalak etxera eta mozorroak soinera. Orioko eta Aiako ikastetxeetan inauteriak ospatuko dituzte bihar; batzuk goizean, besteak, arratsaldean.
Zaragueta Herri Eskolakoek Tolosako inauteriak Oriora ekarriko dituzte. Hori gaitzat hartuta, kalejiran ibiliko dira herrian zehar goizeko 10:30etan hasita. Plazan amaituko dute kalejira, eta bertan ikasleek prestatutako dantzak egingo dituzte.
Ikastolan arratsaldean egingo dute ospakizuna. 14:30etik 15:45era, DBH eta LH mailako ikasleek jolasak izango dituzte. 15:30ean, txarangaren doinuek hartuko dute ikastola eta, HHko eta DBHko ikasleak kalejiran plazara joango dira. LHkoak 16:05ean joango dira plazara, horiek ere kalejiran. Guztiak biltzean, gurasoek banatutako txokolate beroa eta bizkotxoa jango dute.
Lardizabalen denboran bidaiatuko dute: batzuk atzera, besteak aurrera. Denboraren makina oinarritutako mozorroak prestatu dituzte. 15:00etan abituko dira eskolatik frontoira, eta han, ikasle guztiak batera, emanaldia egingo dute.