Orion badira goi mailako futbolariak: Joseba del Olmo, Josu Esnaola, Iker Torre eta Ainara Manterola, esate baterako. Azken biekin izan da Karkara, Almansako jokalari den Iker Torrerekin eta Ainara Manterola Realeko jokalariarekin.
Atseden hartu duten honetan atzera begirakoa egin dute, orain arte ligak emandakoaren balorazioa. Baina aurrera begira ere jarri dira, eta liga nola amaitzea gustatuko litzaieken ere aitortu dute.
Ainara Manterola Orion jaio zen, 1995ean. Orioko futbol taldean eman zizkion lehen ostikadak baloiari, eta handik, etenik gabeko bidean, lehen mailaraino heldu da. Realeko jokalaria da.
Iker Torre –1982– oriotarrak gaztetatik darama futbolean jokatzen. Han eta hemen izan da, estatu guztian zehar: Eldense, Lemona, Zamora, La Roda, Noja... Orain, Almansako jokalaria da.