Neguko Altxorrak izenburupean, familian egiteko orientazio jolasa antolatu du Iturraran parketxeak. Bertatik iragarri dutenez jarduerak helburu izango du "natura eremuetan orientatzen ikastea eta bertako elementuak gehiago ezagutzen joatea". Parte hartzaileek balizak topatu beharko dituzte, eta naturako zenbait gaiei buruzko galderei erantzun.
Interesa duten herritarrek aldez aurretik eman beharko dute izena 943-83 53 89 telefono zenbakira deituta edota iturraran@gipuzkoanatura.eus helbidera idatzita. Jardueran parte hartzeko, helduek bost euro ordaindu beharko dute; eta 12 urte arteko haurrek, hiru euro. Bi ordu eta erdiko iraupena izango du jarduerak, eta jolasari hasiera 11:00etan emango diote.