Aiako XVII. Argazki Lehiaketako lanak ikusgai jarriko dituzte gaur arratsaldetik aurrera Aiako kultur etxeko aretoan. Gaur, 15:30etik 18:30era izango da zabalik erakusketa; datozen bi igandeetan eta azaroaren 1ean, 11:30etik 13:30era; asteartetik ostegunera, 15:30etik 16:45era, eta urriaren 27an 09:00etatik 12:30era eta 15:30etik 18:00etara.
Erakusketa ikustera bertaratzen diren herritarrek eta bisitariek argazkirik gustukoenak hautatzeko aukera izango dute.