Ekainaren 28an emango diote hasiera Aiako Elkano auzoan San Pedro Jaiei. Bost eguneko egitaraua osatu dute antolatzaileek auzoa girotzeko.
Hona hemen egitaraua, osorik:
Ekainak 28, asteazkena.
- 20:00. Jaiei hasiera emateko txupinazoa suziri eta kanpaiekin.
Ekainak 29, osteguna.
- 08:00. Txupinazoa suziri eta kanpaiekin.
- 11:00. Meza nagusia.
- Ondoren, auzokoen arteko patata tortilla lehiaketa, Zarautztrik taldeak girotuta. Bertaratzen ari diren artean pintxoak banatuko dira. Bazkalostean, barra irekita eta musika izango dira.
Ekainak 30, ostirala.
- 20:00. Parrillada frontoian Mantxi eta Julen Zulaika bertsolariekin.
- Jarraian, Dj Olberrekin festa.
Uztailak 1, larunbata.
- 11:00. Ume-jolasak frontoian.
- 21:00. Auzo afaria frontoian. Txartelak ekainaren 10etik aurrera erosi ahalko dira Gazteategin. Ekainaren 18an eta 25ean, berriz, elkartean egongo dira eskuragarri.
- Ondoren, Izer eta Alabierrekin erromeria.
Uztailak 2, igandea.
- 11:00. Elizan ospakizuna.
- Ondoren, pilota partida: Arriete-Ziotza eta Iker-Hodei.
- Segidan, Iñigo Landa eta Jokin Eizmendi pentatloian eta Imanol Lartain eta Udane Ostolaza harria-jasotzen.