Andatzako auzo elkarteak bertso afaria antolatu du otsailaren 10erako, elkartean bertan. Aritz Hernandez Larrume, Unai Mendizabal eta Iban Gorriti Beltza ariko dira bertsotan.
Bertso afarian parte hartu nahi duten herritarrek dagoeneko eman dezakete izena, Andatzako elkartea instagram kontuan. Afarirako txartelak 28 eurotan jarri dituzte eta menua izango da: urdaiazpikoa, zainzuriak, piper beteak, ganbak baratxuriarekin, sahieskia, postrea, kafea eta kopa. Tiketak erosteko azken eguna, berriz, otsailaren 3a izango da.